Dr. Gyanashree Bora মুখ্যমন্ত্ৰীৰ মন্তব্যক লৈ বিতৰ্ক: দিছপুৰ থানাত এজাহাৰ দাখিল জাতীয় যুৱ বাহিনীৰ, প্ৰতিক্ৰিয়া জ্ঞানশ্ৰী বৰাৰ
মুখ্যমন্ত্ৰী ড০ হিমন্ত বিশ্ব শৰ্মাৰ এক মন্তব্যক কেন্দ্ৰ কৰি ৰাজ্যৰ ৰাজনীতিত নতুন বিতৰ্কৰ সৃষ্টি হৈছে। এই ঘটনাৰ প্ৰতিক্ৰিয়াস্বৰূপে ৰাইজৰ দলৰ ভাতৃ সংগঠন **’জাতীয় যুৱ বাহিনী’**য়ে দিছপুৰ থানাত এখন এজাহাৰ দাখিল কৰিছে।
সংগঠনটোৰ অভিযোগ অনুসৰি, মুখ্যমন্ত্ৰীয়ে কৰা মন্তব্যই নিষিদ্ধ সংগঠন ULFA (স্বাধীন)-ৰ সেনাধ্যক্ষ পৰেশ বৰুৱাক লৈ বিতৰ্কৰ সৃষ্টি কৰিছে। এই সন্দৰ্ভত আইন অনুসৰি উপযুক্ত ব্যৱস্থা গ্ৰহণ কৰিবলৈ আৰক্ষী সঞ্চালক প্ৰধান (DGP)-ৰ ওচৰত দাবী জনোৱা হৈছে।
এই বিষয়ত প্ৰতিক্ৰিয়া ব্যক্ত কৰি ৰাইজৰ দলৰ নেত্ৰী জ্ঞানশ্ৰী বৰাই কয়, “পৰেশ বৰুৱাৰ সমৰ্থনত মই যদি ছবি আকোঁ, মোক এৰেষ্ট কৰা হ’ব। আইন সকলোৰে বাবে সমান, গতিকে মুখ্যমন্ত্ৰীৰ বাবেও একেই আইন প্ৰযোজ্য হ’ব লাগে।”
তেওঁ লগতে প্ৰশ্ন উত্থাপন কৰি কয়, “মুখ্যমন্ত্ৰীয়ে যদি মুকলিকৈ নিষিদ্ধ সংগঠনৰ সেনাধ্যক্ষৰ ছবি আঁকিবলৈ উচটনি যোগোৱা বুলি অভিযোগ উত্থাপিত হয়, তেন্তে DGP-এ এই ক্ষেত্ৰত কি ব্যৱস্থা গ্ৰহণ কৰিব?”
জাতীয় যুৱ বাহিনীয়ে দাখিল কৰা এজাহাৰত এই অভিযোগসমূহৰ তদন্ত কৰি আইন অনুসৰি ব্যৱস্থা গ্ৰহণ কৰাৰ দাবী জনাইছে।
