Sakhi Express । খানাপাৰাত ‘সখী এক্সপ্ৰেছ’ আঁচনিৰ অধীনত স্কুটী বিতৰণ
খানাপাৰাত আয়োজিত এক গৰিমাময় অনুষ্ঠানত অসমৰ মুখ্যমন্ত্ৰী ড° হিমন্ত বিশ্ব শৰ্মাই আজি ৯,৭০৪গৰাকী কমিউনিটী কেডাৰক স্কুটী বিতৰণ কৰে। অনুষ্ঠানটো অনুষ্ঠিত হয় অসম ৰাজ্যিক গ্ৰামীণ জীৱিকা অভিযানৰ ‘সখী এক্সপ্ৰেছ’ আঁচনিৰ অধীনত।
স্কুটী বিতৰণ অনুষ্ঠানত ভাষণ দি মুখ্যমন্ত্ৰীয়ে কয়—
- “স্কুটী কেৱল এখন বাহন নহয়, ই হৈছে মহিলা সৱলীকৰণৰ এক ইন্ধন। ২০২০-২১ চনত ১০,০০০ সখীক স্কুটী প্ৰদান কৰা হৈছিল যদিও সেই সময়ত সকলো সখীয়ে লাভ নাপাইছিল। আজি সকলো সখীক স্কুটী প্ৰদান কৰা হৈছে।”
- “চৰকাৰে প্ৰতি মাহে ৫০০ টকাকৈ তেল ভৰাবলৈ সহায় কৰিব। স্কুটী জোৰত নচলাব, হেলমেট পৰিধান কৰিব। এখন ৰাজ্য আগবাঢ়ি যাবলৈ মহিলা শক্তিশালী হ’ব লাগিব।”
মুখ্যমন্ত্ৰীয়ে অধিক জনায়—
- চৰকাৰী আঁচনিৰ জৰিয়তে অসমত ৪০ লাখ মহিলা আত্মনিৰ্ভৰশীল হৈছে আৰু এওঁলোকে সমাজত আদৰ্শ ৰূপে প্ৰতিষ্ঠা পাইছে।
- তিনিলাখ আত্মসহায়ক গোটে ইতিমধ্যে ৫৫৬ কোটি টকা লাভ কৰিছে।
- ৮.৮২ লাখ মহিলা ‘লাখপতি বাইদেউ’লৈ উন্নীত হৈছে। চৰকাৰে আগলি লক্ষ্য ৪০ লাখ মহিলাক লাখপতি মহিলা হিচাপে গঢ়ি তোলা।
- অহা বছৰত মহিলাসকলক ২৫ হাজাৰ টকাকৈ বিতৰণ কৰা হ’ব, ইয়াৰ ভিতৰত ১২,৫০০ টকাত সুত দিব নালাগে। জীৱিকা সখীসকলক ৪০ হাজাৰ টকাকৈ সহায় দিয়া হ’ব, ইয়াৰ ২০ হাজাৰ টকাত সুত দিব নালাগে।
মুখ্যমন্ত্ৰীয়ে লগতে পৰিয়াল পৰিকল্পনা, শিক্ষা আৰু সমাজ সংস্কাৰৰ বিষয়ে কয়—
- “তিনিটা সন্তানৰ পিছত পৰিয়াল পৰিকল্পনা অনুসৰণ কৰক, যদিও চাহ জনগোষ্ঠীৰ বাবে ৪-৫টা সন্তানলৈ ৰেহাই থাকিব।”
- “জীৱিকা সখীসকলৰ কন্যাসকলক কম বয়সত বিয়া নিদিব। নিযুত মইনা আঁচনিৰ জৰিয়তে ছাত্ৰীৰ শিক্ষা নিশ্চিত হ’ব।”
- “অহা বছৰত চৰকাৰে অধিক ধন আগবঢ়াব।”
এই অনুষ্ঠানৰ জৰিয়তে মুখ্যমন্ত্ৰীয়ে মহিলা সৱলীকৰণ আৰু আত্মনিৰ্ভৰতাৰ দিশত অসম চৰকাৰৰ দীঘলীয়া পৰিকল্পনা আৰু লক্ষ্য পুনৰ প্ৰতিপন্ন কৰে।
