Gaurav Gogoi VS Dilip Saikia । অসম কংগ্ৰেছ সভাপতি গৌৰৱ গগৈৰ আৰএসএছৰ ওপৰত কৰা সমালোচনাক লৈ বিজেপিৰ ৰাজ্যিক সভাপতি দিলীপ শইকীয়াই তীব্ৰ প্ৰতিক্ৰিয়া প্ৰকাশ কৰিছে। তেওঁৰ মতে, গগৈৰ এনে সমালোচনাই ৰাষ্ট্ৰীয়তাবাদী শক্তিক আৰু অধিক দৃঢ় কৰি তোলে।
দিলীপ শইকীয়াই কয়—
“গৌৰৱ গগৈয়ে যিমানেই আৰএসএছক অপবাদ দিব, সমালোচনা কৰিব, সিমানেই ৰাষ্ট্ৰীয়তাবাদী শক্তি অধিক শক্তিশালী হ’ব। মহাৰাষ্ট্ৰ আৰু হাৰিয়ানাৰ শেহতীয়া নিৰ্বাচনী ফলাফলই ইয়াৰ জ্যোৎষ্ট উদাহৰণ।”
তিনি নিজকে আৰএসএছৰ স্বয়ংসেৱক বুলি বর্ণনা কৰি কয়—“স্বয়ংসেৱকৰ অৰ্থ হৈছে সকলোৰে কল্যাণ আৰু সকলোৰে সেৱা।”
🔴 গৌৰৱ গগৈৰ মন্তব্যৰ প্ৰেক্ষাপট
ডিব্ৰুগড়, শিৱসাগৰ, আৰু মিছামাৰীত সাম্প্ৰতিক সাম্প্ৰদায়িক উত্তেজনাৰ সন্দৰ্ভত গগৈয়ে আৰএসএছৰ ওপৰত অভিযোগ উত্থাপন কৰি কয়—
“আৰএসএছে ৰাজ্যৰ প্ৰতিখন গাঁওত প্ৰৱেশ কৰি জনগোষ্ঠীৰ মাজত বিভাজন সৃষ্টিৰ চেষ্টা চলাইছে। আগন্তুক বিধানসভা নিৰ্বাচনৰ পূৰ্বে সাম্প্ৰদায়িক উত্তেজনা সৃষ্টি কৰি মুনাফা লোৱাই মূল উদ্দেশ্য। আমি অসম আৰক্ষীক অনুৰোধ জনাইছো যাতে এনে সংগঠনৰ লোকক পৰীক্ষণ কৰি থানাত পঞ্জীয়ন কৰা হয়।”
🗣️ দিলীপ শইকীয়াৰ প্ৰত্যুত্তৰ
গগৈৰ এই মন্তব্যৰ উত্তৰত শইকীয়াই কয়—
“গান্ধীজীয়েও ১৯৩৪ চনত ৱাৰ্ধাৰ আৰএসএছ শিবিৰত গৈ সংগঠনটোৰ প্ৰশংসা কৰিছিল। যিসকলে আধা জীৱন শীততাপ নিয়ন্ত্ৰিত কোঠাত কটায়, তেওঁলোকে জনসাধাৰণৰ বাবে কি অৰ্থত আৰএসএছ কাম কৰে, বুজিবই নোৱাৰে।”
তেওঁ আৰু কয়—“গগৈৰ সমালোচনা কেৱল এটা ‘নেৰেটিভ’ গঢ়ি তোলাৰ প্ৰচেষ্টা। যদি গগৈয়ে এনে কথা কৈ থাকিলে, বিজেপি আৰু আৰএসএছ অধিক সক্ৰিয় হ’ব।”
🕌 ধর্ম আৰু সংস্কৃতিৰ প্ৰসংগত শইকীয়াৰ মন্তব্য
শইকীয়াই গগৈৰ ধৰ্মীয় জ্ঞান লৈ কটাক্ষ কৰি কয়—
“গগৈয়ে নামাজ পঢ়িব জানে, কালিমা পাঠ কৰে। বহুতে তেওঁৰ বাবে প্ৰাৰ্থনা কৰে। কিন্তু যদি তেওঁ এবাৰ শুদ্ধকৈ কীৰ্তন বা ঘোষা পাঠ কৰে, তেন্তে সকলোৱে তেওঁক আৰু ভাল পাব।”
🕵️♂️ ব্যক্তিগত অভিযোগ
উল্লেখযোগ্যভাৱে, দিলীপ শইকীয়াই গগৈৰ ওপৰত চাঞ্চল্যকৰ অভিযোগ উত্থাপন কৰি কয়—
“তেওঁৰ ওপৰত ISI এজেন্ট হোৱাৰ সন্দেহ আছে। তেওঁৰ পত্নীয়ে পাকিস্তানী চোৰাংচোৱা সংস্থাৰ তত্বাৱধানত কাম কৰে। এনে লোকৰ পৰা আৰএসএছৰ বিষয়ে নৈতিক শিক্ষা লোৱা নিজেই এক মূৰ্খামি।”
