Rickshaw ধুবুৰী জিলাৰ গৌৰীপুৰৰ বালাজান অঞ্চলত এগৰাকী মহিলাক অশালীন ইংগিত দিয়াৰ অভিযোগত এজন ই-ৰিক্সা চালকক আটক কৰাৰ ঘটনাই চাঞ্চল্যৰ সৃষ্টি কৰিছে।
অভিযোগ অনুসৰি, এগৰাকী মহিলা ই-ৰিক্সাত যাত্ৰা কৰাৰ সময়ত চালকজনে তেওঁক অনুপযুক্ত আৰু অশালীন ইংগিত দিয়াৰ অভিযোগ উত্থাপিত হয়। ঘটনাৰ পিছতে স্থানীয় লোকসকল ঘটনাস্থলীত সমবেত হয়।
পিছত স্থানীয় ৰাইজৰ সহযোগত আৰু একাংশ সামাজিক সংগঠনৰ উপস্থিতিত অভিযুক্ত চালকজনক আটক কৰি বালাজান আৰক্ষী থানাত চমজাই দিয়া হয়।
আটকাধীন চালকজন ৰূপচী সুখ্যাতিখাতা অঞ্চলৰ বাসিন্দা ছাবেদ আলী বুলি জানিব পৰা গৈছে। আৰক্ষী সূত্ৰে জানিব পৰা মতে, অভিযোগৰ ভিত্তিত থানাত এজাহাৰ পঞ্জীয়ন কৰা হৈছে।
আৰক্ষীয়ে ঘটনাটোৰ তদন্ত আৰম্ভ কৰাৰ লগতে অভিযুক্তজনক আইনী প্ৰক্ৰিয়াৰ অংশ হিচাপে আদালতলৈ প্ৰেৰণ কৰা হৈছে।
উল্লেখ্য যে, অভিযোগসমূহৰ সত্যতা আদালত আৰু আৰক্ষীৰ তদন্তৰ জৰিয়তে নিৰ্ধাৰিত হ’ব। ঘটনাটোক সাম্প্ৰদায়িক দৃষ্টিভংগীৰে চোৱাৰ পৰিৱৰ্তে আইনগতভাৱে বিষয়টোৰ তদন্ত সম্পূৰ্ণ হোৱালৈ অপেক্ষা কৰাৰ আহ্বান জনাইছে সচেতন মহলে।
