ZUBEEN GARG । জুবিনবিহীন প্ৰথমটো জন্মদিন—এই শব্দ তিনিটাই যেন আজিৰ দিনটোক অসমবাসীৰ হৃদয়ত এক বিশেষ যন্ত্ৰণা আৰু সমান মাত্রাত গৌৰৱৰ অনুভৱেৰে পূৰ্ণ কৰি তুলিছে। কাহিলীপাৰাৰ পৰা সোণাপুৰ, শদিয়াৰ পৰা ধুবুৰী—যুগদ্ৰষ্টা, প্ৰাণৰ শিল্পী জুবিন গাৰ্গৰ জয়গানে আজি পুনৰ গুঞ্জৰি উঠিছে।
গত বছৰবোৰৰ দৰে এইবাৰো জুবিন গাৰ্গৰ লাখ লাখ অনুৰাগী নিজৰ প্ৰিয় শিল্পীগৰাকীক জন্মদিনত সন্মান জনাবলৈ ওলাই আহিছে। যদিও তিনি কায়িকভাৱে আমাৰ মাজত নাই, তথাপিও অসমবাসীয়ে তেওঁক জীয়াই ৰখাৰ প্ৰতিশ্ৰুতি পালন কৰি আছে নিসংকোচে। জুবিন গাৰ্গেই কৈ গৈছিল—
“যুঁজাৰু মই জন্মগত, আমৰণ মোৰ সংকল্প। অস্তিত্ব অপৰাজেয়।”
এই বাক্যবোৰ আজিও অনুৰাগীৰ হৃদয়ত আগুৰি ধৰিছে তেজৰ সংকল্পৰ দৰে।
সোণাপুৰৰ শেতা শেতেলীত চিৰনিদ্ৰাত জুবিন আজিও অকলশৰীয়া নহয়। জীৱিত কালত যিতে তেওঁ কাকো একোতুন নাছিল, আজি তেওঁকো অনুৰাগীয়ে একোতুন দিছো বুলি ক’বা নোৱাৰিল।
মাজনিশাই শুৰু হৈছিল স্মৰণৰ অনুষ্ঠান। কেক কাটি, দীপ জ্বলাই, তেওঁৰ গান গাই অনুৰাগীয়ে পালন কৰিলে প্ৰিয় শিল্পীগৰাকীৰ ৫৩ সংখ্যক ওপজা দিন।
ৰাজ্যজুৰি জুবিন গীতৰ ধ্বনি, জুবিন স্মৃতিৰ শিহৰণ। য’ত য’ত অনুৰাগী—সেই সকলো ঠাইয়েই আজিৰ দিনটো জুবিনময়।
সোণাপুৰৰ জুবিনক্ষেত্ৰতো পুৱতিৰ পৰা আয়োজন হৈছে বিভিন্ন কাৰ্যসূচী—
- সংগীত আৰাধনা
- শ্ৰদ্ধাঞ্জলি সভা
- জুবিনৰ জীৱন আৰু সংগীতৰ ওপৰত আলোচনা
- অল্পবয়সীয়া শিল্পীসকলৰ বিশেষ গানৰ অনুষ্ঠান
জীবিত কালত অসমীয়াৰ হৃদয়ত বিশেষ স্থান দখল কৰি লোৱা জুবিন গাৰ্গ আজিও জীৱিত সংগীতে, অনুৰাগীৰ হৃদয়ত, আৰু অসমৰ সংস্কৃতিক অভিমানত।
এইবাৰো কেক কাটা, গান গাই, শ্ৰদ্ধাৰ দীপ জ্বলাই অসমবাসীয়ে জনালে—
জুবিনবিহীন জুবিনৰ জন্মদিন হলেও জুবিন অপৰাজেয়।
