Blackmail গা ধুই থকা অৱস্থাৰ গোপন ভিডিঅ’ কৰি ব্লেকমেইল; খুড়ীয়েকক যৌন নিৰ্যাতনৰ অভিযোগত ভতিজা গ্ৰেপ্তাৰ
বিহাৰত এক চাঞ্চল্যকৰ ঘটনাই তীব্ৰ চাঞ্চল্যৰ সৃষ্টি কৰিছে। অভিযোগ অনুসৰি, নিজৰ খুড়ীয়েক গা ধুই থকা সময়ত গোপনে ভিডিঅ’ ধাৰণ কৰি সেই ভিডিঅ’ৰ জৰিয়তে ব্লেকমেইল কৰি দীৰ্ঘদিন ধৰি যৌন নিৰ্যাতন চলোৱাৰ অভিযোগ উত্থাপিত হৈছে এজন ভতিজাৰ বিৰুদ্ধে।
পৰিয়ালৰ সদস্যৰ অভিযোগ অনুসৰি, অভিযুক্তই প্ৰথমে গোপনে আপত্তিজনক ভিডিঅ’ ৰেকৰ্ড কৰে। পিছত সেই ভিডিঅ’ সামাজিক মাধ্যমত ভাইৰেল কৰি দিয়াৰ ভাবুকি দেখুৱাই খুড়ীয়েকক মানসিকভাৱে হেঁচা প্ৰয়োগ কৰি যৌন সম্পৰ্ক স্থাপন কৰিবলৈ বাধ্য কৰায় বুলি অভিযোগ।
দীৰ্ঘদিন ধৰি ভয় আৰু মানসিক চাপৰ মাজত থকা মহিলাগৰাকীয়ে অৱশেষত পৰিয়ালক ঘটনাৰ বিষয়ে অৱগত কৰে। ইয়াৰ পিছতে আৰক্ষীত এজাহাৰ দাখিল কৰা হয়।
এজাহাৰৰ ভিত্তিত আৰক্ষীয়ে গোচৰ ৰুজু কৰি অভিযুক্ত ভতিজাক গ্ৰেপ্তাৰ কৰিছে। আৰক্ষীয়ে ঘটনাটোৰ তদন্ত অব্যাহত ৰাখিছে আৰু অভিযুক্তৰ মোবাইল ফোনকে ধৰি ডিজিটেল প্ৰমাণ সংগ্ৰহৰ ব্যৱস্থা গ্ৰহণ কৰিছে।
আৰক্ষীয়ে জনোৱা মতে, তদন্ত সম্পূৰ্ণ হোৱাৰ পিছত অভিযুক্তৰ বিৰুদ্ধে প্ৰযোজ্য আইনী ব্যৱস্থা গ্ৰহণ কৰা হ’ব।
